السلام عليكم
ازيكم يا جماعة
انا اسف على التاخير
المهم دا اسئلة ال
IT
الجديدة
امتحانات رائعة
وفى كمان لينكات تانى
http://www.ziddu.com/download/9640455/Update3-1-2010.pps.html
http://www.ziddu.com/download/9640398/IT.pdf.html
الأربعاء، 28 أبريل 2010
it exams
http://www.ziddu.com/download/9640455/Update3-1-2010.pps.html
http://www.ziddu.com/download/9640398/IT.pdf.html
الجمعة، 23 أبريل 2010
حل امتحانات فديو
السلام عليكم ازيكم ياجماعة
اية اخبار الامتحانات طب لو كنت عايز تشوف الامتحان قبل ما تدخل
يبقى شوف الفديوهات دى لواحد بيمتحن فعلا شوف الامتحان هيكون ازاى لكل المستويات
ومش كدة بس دا كمان اكتر من نموزج يعنى شوف كل الاسئلة اللى ممكن تجيلك
مثلا ال اكسس فية 8 نمازج
فى نماذج كتير شوف الامتحان وحلة فديو قبل ما تدخل الامتحان
وكدة يبقى مفيش حاجة ناقصة لازم نجيب المية
حمل الفديوهات من لينك مباشر
اتمنى ان الناس تذكر وان شاء الله بالتوفيق
Eng.Ahmed Shabaanالجديد فى الاكسس access
السلام عليكم
المستوى دة من المستويات اللذيذة جدا
بيتكلم عن كيفية بناء قواعد البيانات واية القواعد العامة لعمل قاعدة بيانات
وكمان ازاى تقدر تعمل تقارير واستعلام داخل قاعدة البيانات بتاعتك
وكمان استمارات علشان تساعد مدخلى البيانات فى استخدام قاعدة البيانات
ودة الامتحانات الخاصة بالمستوى دة
اتمنى ان الناس تذكر وان شاء الله بالتوفيق
Eng.Ahmed Shabaanالاثنين، 19 أبريل 2010
امتحانات الاكسل 2010 ICDL
السلام عليكم
ازيكم يا جماعة اية اخبار الامتحانات
ان شاء الله تكون بخير
طيب نبداء اولا الاكسل دة مستوى من المستويات اللذيذة جدا
بجد ومفيد جدا كمان بيسعدك فى العمليات الحسابية
ولو انت مدرس ممكن تجمع درجات الطلبة طبعا بكل سهولة
عن طريق الاوتوفل للدلة بتعتك
وكمان الدوال الكتيرة اللى موجودة مفيدة جدا
وان شاء الله هنحول يكون فى شرح للمديول دة
لكن دلوقتى نشوف الامتحانات الخاصة بالمستوى دة
اتمنى ان الناس تذكر وان شاء الله بالتوفيق
Eng.Ahmed Shabaanماذا تفعل لو كنت مكانى 1
ماذا تفعل لو كنت مكانى ؟؟؟؟
------------ -----
السلام عليكم و رحمة الله و بركاته
اعزائنا الكرام ..يعيش معنا في دنيانا الكثير من القلوب و العقول الحائرة لتى هي بحاجه لناصح امين مخلص و بحاجه لنصح حقيقي و آراء واعيه في الدين من اهل الدين و في الدنيا من اهل الخبره
مع حضراتكم سنسير بين تساؤلات و مشكلات بعضاً من هذه القلوب و العقول و نتمنى ان تحظي هذه المجموعه بقراءه حضراتكم و في انتظار رأيكم و مشورتكم و ردودكم عبر بريد الجروب الذي تتلقون من خلاله الرسالة
شكراً ..و اسيبكم مع القصص
مهندسه /منار ممدوح عقل
القصه الأولى ...مجنون ليلى
-----------------------------
انا بنت عاديه مش خارقة الجمال يعني حتى لو كنت جميله زي ما البعض بيقول ففهي النهايه لست اجمل الجميلات ...كذلك مش بنت جذابه و حتى لو كنت جذابه فلست املك الجاذبيه المطلقه اللا لمن يعرفونى عن قرب شأنى شان الجميع كل مشكلتى في الحياة انى رومانسيه قوى ..تعلقت في مراهقتى بفكرة الحب الأسطوري يعني قيس و ليلى و عنتر و عبله و انتوا :) عارفين الباقين بقى
و تصورت ان الزواج هو ان يأتى الشاطر حسن عابراً السبع بحور ليناديني عبر شرفة القصر و يحارب التنين من اجلى
و لا اخفيكم سراً ان الله حقق لى جزءً هاماً جداً من الأسطورة و هي ان كل من تقدموا لخطبتى سواء كانوا يعرفونى من مجالات الحياه او من صالونات ..كانوا يتعلقون جداً بشخصي و ينبهرون بى ..و اذا لم يحدث القبول ..كانوا يلحون سنوات في انتظار موافقتى
في زمن لا تتوفر فيه مثيراً للكثير من الفتيات ان يعجب بهن احداً لشخوصهن و انما لمجرد انهن فتيات و حسب
و ان تجدي من يريدك لشخصك فهذا شئ يسعد قلوب الفتيات كثيراً و انا من ضمنه
و لكن ان يتعلق احداً بكى سنوات و ينفطر قلبه و انتى لا تريدينه و لا تشعري بقبول تجاهه فهذا شئ يسعد الفتيات كثيراً ... اللا انا و كل من تفكر بطريقتى
..فلست اريد ان اعزب احد بسببى ...او اتزوجه في نهاية المطاف اشفاقاً لحاله ..و يعلم الله ان هذه المعلومه لم تخرج لأحد خارج اطار اسرتى قبل اليوم لأنها ليست مثار تفاخر لى بالعكس
فانا اشعر بتشتت كبير بين اختيارات الدين و الدنيا ..فلم اعد اعرف هل مقاييس القبول في زماننا هذا مقايسس منصفه بعد ان رأت العين كثيراً و تمنت النفس اكثر ممن نخالطهم في الحياة اليوميه فنجد قدراً من بينهم من يحمل صفات و مؤهلات فتى الأحلام فنمتنى بيننا و بين انفسنا لو ان الله يرزقنا بمن هو مثله
ام ان ما نفعله حرام و يجب علينا ارغام النفس على الزواج ممن يتقدمون لبيوتنا و يطرقون جادين ابوابنا من اهل الدين و الخلق لإرضاء الله
و خصوصاً ان باقي الأسطورة طلع خيال ف خيال ..فمجنون ليلى في زماننا هذا لن يصمد امام الرمي بالحجاره و لن يحارب من اجلها التنين ..و لن يسافر سنوات و سنوات من اجل احضار
مهرها 1000 ناقه حمراء ليليق بقدرها
و ليس هو فتى الأحلام الذي سيحتضن صعاب حياتها و يحتويها بداخله و يكافح بها و من اجلها ..ليس هو الرجل بمعنى الكلمه الذي حلمت به سنوات و سنوات
وانما هو للأسف متمثلاً في كل من تقدموا لى في شخص ضعيف الشخصيه قليل الحيله يجد في شخصيتى القوة التى يحتاجها ...و هذا منطق معكوس فانا هي الضعيفه التى تحتاج لقوتهم
وجدوا بى ايضاً الأصل الطيب الذي يبحثون عنه ...الحنان و العاطفه التى ينتظرونها ..الكلمات الجميله التى يحبون سماعها ...و الأدب و الأخلاق الذين يليقون بأن يحملوا اسم احدهم..وجدوا بى الأم الصالحه لتربية ابناءهم ...و الأبنه الباره باهلها لتبر اهلهم ...كانوا يجدون في شخصي البنت بنت الناس المتربيه ..مقبولة الشكل بنت الحسب و النسب ...التى تمتهن مهنه مرموقه في المجتمع يتشرفون بها
و هذا كله جميل و رائع و وسام شرف لى و تاج على رأسى ان يرانى هكذا احدهم ...و يسعى للأرتباط بى .. و لا يري غيري في :) الحياة في زمن يكثر فيه الرجال متعددين القلوب الذي يرون 10 فتيات في واقت واحد و يحبونهم بقلب واحد
و لكن ما يشعرنى بالإحباط و بالرفض لشخوصهم المحترمه ان جميعهم يريدون منى كل شئ و لا احد يريد ان يعطيني منهم اى شئ حتى الكلمه الطيبه التى اشعر منها انهم يقدرونى حق قدرى و لكن الظروف عصيبه ...حتى هذا يبخلون على به ...فأجدهم متمسكين جداً بى و لا يوجد لديهم ادنى استعداد لعمل اى شئ و لو بسيط من اجلى فأشعر مع افكارهم لمحاولة التعرف عليهم اكثر اننى فقط من يبحثون عنها منذ سنوات ..كأى شئ يحبه الإنسان فيشتريه ليقتنيه و يحتفظ به و ليس كإنسانه لها احلام و رغبات قابله للنقاش و التفاوض ...إنهم فقط يريدون
و هم حتى غير قادرون على بذل جهد في اقناعي بما يريدون بل مطلوب منى انا ايضاً ان اقوم بهذه ..المهمه نيابة عنهم ..مهمة ان اقنع نفسي بأحلامهم ..فهم لا يريدون ان يشركونى الحلم و يشتركوا في حلمى ليصبح حلماً واحداً و انما انا بالنسبة لهم حلماً من الأحلام التى يريدون فقط تحقيقها
انه شئ ساحر ...و لكن الواقع مرير
و انا انسانه بسيطه ..اختياراتى في الحياة بسيطه و احلامي ابسط ...فأنا كما تقول صباح في اغنيتها لا عايزه جاه و لا كتر مال ... :) عمري ما توقفت عند موضوع المؤهل ( انه يعني لازم الطبيب ياخد طبيبه و الكلام المتخلف ده ) او الإمكانيات او السن او الشكل او المسمى الوظيفي او مكان السكن او الحاله الإجتماعيه ...كل اللى كنت محتاجاه راجل ..
من غير كلام كتير ..ارتاح له و اشعر معاه بالأمان ...احفر حروف اسمه على دبلتى ...احب اختياراته في الحياة و اشوف الدنيا بعنيه ..كلمه واحده منه تسعدنى و بأبسط الأساليب يقنعنى
رجل اتخلى معه عن رغبتى في السكن الفاخر لأن قلبه سيكون سكنى الأول ...
رجل اتخلى معه عن رغبتى في السكن الآمن في مناطق قريبه و مأهوله بالسكان ...لأنه سيكون امانى و كل ناسي ...و حصنى و حمايتى
رجل اتخلى معه عن رغبتى في سكن كبير المساحه لأن روحه ستكون براحى و جنتى
رجل اتخلى معه عن رغبتى في اقامة احتفالات الخطبه و الزفاف المكلفه لأنه سيكون هو فرحى و فرحتى و كل سعادتى في الحياه ...
رجل احب ان اتقاسم معه شراء كل قطعة في عفش بيتي لأننى سأتقاسم معه عمري لأننى اريد ان اختار على ذوقه ..بأبسط :) الأسعار وارق الأشياء بدون الدخول في تفاصيل المجتمع العقيم زي الأجهزة الكهربائيه عليك و السفره علينا و الكلام اياه
رجل لا اريد ان التقط معه صورة الفرح في الأستوديو من اجل المزيد من التكاليف و المنظره كما يعتقدون البعض و انما لأننى اريد ان اقف بجواره لألتقط اجمل صور عمري
رجل لا اريد من شبكته سوي الدبله التى سأحمل عليها حروف اسمه لأنه ستكون عليها فقط حروف اسمه ....و سأجعلها بارزة فوق الدبله ليست مخبأه بداخلها
لأننى اريد ان اقول لكل العالم انه زوجي و حبيب عمري و شريك حياتى الذي حُفرت حروف اسمه في صفحة قدرى من يوم ميلادي
و لأننا في مجتمع مختلط المرأه فيه ليست محجوبه عن رؤية الرجل و التعامل معه ...فكما قلت سابقاً العين ترى و النفس تتمنى
و لا اجد من بين خُّطابى من مجانيين ليلى الذين اوقفوا عمرهم من اجل التعلق بى سنوات و سنوات و يستمرون في الإلحاح على اهلى و على انا شخصياً بين الحين و الحين بشكل يؤلمنى كثيراً و يؤنب ضميري جداً
لا اجد بينهم من يناديه قلبى بقوة و تناديه روحي بقوة قائلة ببساطه " هو ده " و مجتمعى قاسي لا يرأف لى بحال ....كيف لفتاة مثلى تقدم لها في اقل من 10 سنوات 24 عريس و لم توافق
انا فتاة طبيعيه ...لست معقده و لا متعجرفه كما يعتقد البعض و لست ماديه كما يتصور بعضهم اننى رفضته لإمكانياته ...و لكني فقط انتظره ...
من هو ؟؟؟؟لاادرى .....اين هو ؟؟؟؟؟؟لا اعلم
هل هو موجود اصلاً في هذه الحياة ...ام اننى مقدر لى ان لا اتزوج في الحياة الدنيا؟؟؟؟... ايضاً لا اعرف
البعض يتزوج استسلام و رضاء بالأمر الواقع و اختيار من المتاح ...ولكنى لا استطيع ذلك ...و اشعر ان ما قد يرغمنى فقط على الزواج هو ان اطيع الله اذا كنت مخطأة في احلامى هذه او اننى ارتكب شيئاً محرماً بإنتظاري من يأنس له قلبى و تتوافق معه روحي و ارى بأفكاره صورة عقلى
فلو اكتشفت ان مقياسي هذا للقبول حرام و اننى يجب ان افعل كل ما ذكرته سابقاً من اجل اول عريس مناسب دينياً و اخلاقياً بصرف النظر عن ارتياحي اليه و احساسي به...فسسوف احاول ان افعل
علماً باننى دعوت الله كثيراً باكية في صلاتى بالدموع اياماً و ليالى و اسابيع و شهور و سنين ان يجعلنى اقبل احد خطابى هؤلاء بالذات من يلحون في تكرار طلب الزواج من العام للعام و لكن الله لم يستجيب و لم اشعر اننى استطيع ارغام النفس اكثر
و لا ادرى حقاً ما هي الحكمه ان يظل الله يرسل لى هؤلاء و مع ذلك يحرمنى من نعمة القبول لأحدهم
تصورت انها رسالة من الله لى ليختبر قناعتى
و كدت اوافق على احدهم فقط كنوع من الرضاء بقضاء الله و تسليماً بما يريد ان يعطيه هو لى و ليس ما اريده انا
و لكن والدى حزرنى من ظلمى بهذه الخطوة لهذا الإنسان لأنه شعر بجفاء معاملتى له جداً و ردي المتحجر على اتصالاته الهاتفيه ليطمئن على صحتى قبل ان يتم اى شئ من قراءة فاتحه او خطبه او ما شابه ...و عصبيتي المتناهيه في تلك الأيام و عدم رغبتى في اى شئ في الحياه
و كنت ابرر لنفسي جفائي هذا انه لم يتم شئ رسمي بعد و اننى ربما كان يغلبنى خجلى فأداريه بقسوتي و لكن ابى و امى نبهونى اننى اتكلم مع اقل زملائي بشكل افضل بكثير عن هذا و انه يوجد فارق كبير جداً بين الحياء و النفور ..فلا يجب ان استمر في خداع نفسي و إيلام غيري
و عملاً بنصيحتهم ..فقد ظللت حتى يومنا هذا غير مرتبطه نهائياً فلم يسبق لى خطبه او زواج او حتى قراءة فاتحه في زمن :) البنت بتعمللها فيه قبل اى جوازه على الأقل خطوبتين و كتب كتاب
ذلك لأننى حكّمت ضميري و لم اريد ان اظلم احداً معى طول عمري ...يظنون من لا يعلمون ...اننى لا يتقدم لى احد نهائياً لذلك فلم ارتبط بعد رغم اننى تجاوزت مرحلة العشرينات من عمري
و لكنه تزهلهم الحقيقه عند سماعها كما تزداد حيرتي و اتسأل كل يوم الى متى يا الله ..و ما الحكمه ..و ماذا افعل ..ما هو الصواب لمن له ظروفى و حالتى؟؟؟؟؟
اننى امر هذه الأيام بنفس التجربه القاسيه فقد عاد احدهم ليطرق باب بيتي و باب قلبى بعد ان اعتذرنا له منذ عام ...و فكرت كثيراً بمشورة اهلى ان نفتح له باب البيت لعل و عسي ينفتح اليه ايضاً باب القلب
و لكنى بيني و بين نفسي اعرف انه لا ...لأن هذا الشخص يعرفنى منذذ سنوات عديده ..معاملاتى معه فيها محدوده و لكنها كافيه ان ينفتح القلب لو كان سينفتح و الله اعلم
اهلى لا يرغموني و لكنهم يحذرونى من ان اتناول عطايا الله بنفس المقياس فربما يتمنى احدنا لنفسه سيارة فاخره و لا تأتى له غير سيارة مستعمله فعليه ان يقنع
و ربما يحدث هذا في السكن و في الوظيفه و في الطعام ...فقد نريد دائماً شيئاً و يهبنا الله شيئاً آخر و علينا ان نرضي و لكنهم يعتقدون ان هذه القاعده لا يجب تطبيقها عن الزواج ..بمعنى ان نتمنى لأنفسنا انساناً و نتزوج انساناً آخر فقط من باب القناعه ..انهم يرون ذلك غير مقبول
طرقت باب اهل الدين منذ اسابيع فلم اجد من بينهم واحده او واحداً متفرغ لسماعي و الإحساس بمعاناتى و نزلت من المساجد بعد صدهم لى و رفضهم لمجرد سماعي دامعة العين مكسورة النفس ...شديدة الحيرة
فهل اجد من بين حضراتكم من يفسر لى تلك الظاهره لماذا يتعلقون بى و لا ارغب بهم
لماذا من اريده حقاً غير موجود او قد يكون موجود في الحياة و لكنه هو من لا يرغب بى
لماذا يظل يرسلهم الله لى مرات و مرات و رغم صدق دعوتى ان يشرح الله قلبى لأحدهم حتى استطيع قبول عطاءه لى فالله لا يستجيب
ان كان يريدنى ان اوافق عليهم فلماذا لا يشرح قلبى لذلك ..و إن كان يعرف انهم ليسوا لى فلماذا يرسلهم مرات و مرات ؟؟؟؟
اشكركم و اعتذر عن الإطاله
ماذا تفعل لو كنت مكانى 2
السلام عليكم و رحمة الله و بركاته
اعزائنا الكرام ..يعيش معنا في دنيانا الكثير من القلوب و العقول الحائرة لتى هي بحاجه لناصح امين مخلص و بحاجه لنصح حقيقي و آراء واعيه في الدين من اهل الدين و في الدنيا من اهل الخبره
مع حضراتكم سنسير بين تساؤلات و مشكلات بعضاً من هذه القلوب و العقول و نتمنى ان تحظي هذه المجموعه بقراءه حضراتكم و في انتظار رأيكم و مشورتكم و ردودكم عبر بريد الجروب الذي تتلقون من خلاله الرسالة
شكراً ..و اسيبكم مع القصص
مهندسه /منار ممدوح عقل
القصه الثانيه - رجل لا يعرف الله
-------------
-------------
انا معيد اتخرجت من كليتي العمليه بتقدير كبير و اتعينت معيد ..الناس المتخلفين بيعتقدوا عادة انك عشان تكون ناجح و موفق في دراستك انك بالضرورة تكون انسان سوي ..متألق محط انظار الجميع و موضع حسدهم لدماثة اخلاقك و لشدة تدينك و لشدة قربك من الله و لرضا والديك عنك و بفضل دعا الوالدين انت شخص ناجح في المجتمع
كل عروسه تتقددم لها لازم توافق عليك و كل بيت عايز بالغالى يشتريك
ليك اصحاب و راجل رياضي و نشيط
شاب في ريعان الشباب يهابك الكثير من الطلبه في الكليه
و عاملهم على قلبك اد كده من الدروس الخصوصيه
هاتفك المحمول بتغيره كل سنه باحدث موديل و رقمك كمان بتغيره كل شويه عشان المعجبات اللى بيتعلقوا بيك من الطالبات بعد كل درس بتدرسه
عندك ايميل و بتتعامل مع الكمبيوتر كتير بس مش فاضي لحاجه ابداً يا دوب تلّحق على طلبات الأساتذه لتحضير رسالة الماجستير و الدكتوراه
زياراتك للعيله مصدر فرحه بالنسبة لهم ..اخيراً البيه المهم بيزورهم النهارده
كلامك كله بيتوافق عليه بدون ادنى معارضه ..ما انت الأستاذ و الأستاذ يعرف اكثر
وقتك مش مكفي للمجاملات و لحضور المناسبات
حياتك مليانه بكل حاجه حلوة
و في اقل من سنتين بعد التخرج انت حتتجوز اجمل بنت في الدنيا ممكن تكون شافتها عينيك ..و حتى لو مكنتش انت من وسط اجتماعي راقي لكن لأنك المعيد ..صاحب المال الكتير ..حتتحول كل حياتك لإستايل اخر حاجه
صور فرحك حيخطفوها الطلبه من بعض اول ما تنزل في المجله الإجتماعيه و حتفضل طول الوقت حديث المدينه
اغبيه
ايه معرفتوش تقروا الكلمه كويس
بقول اغبيه
كل من يفكر ان الحياة ورديه هكذا لواحد كل اللى قدر يوصل له من الدنيا انه يبقى معيد يبقوا اغبيه
فحياتى عكس ما كتبت نهائياً ...حياتى اقل ما استطيع ان اصفها به انها حياة سوداء
لا ملامح لها و لا طعم و لا لون و لا ريحه فيها
و انا حتى مش حزين لأن الحزن معناه انك نفسك تتذوق معنى تاني للدنيا و انك حاسس بحاجه جميله عايز توصل لها
بس انا لأ ..مش حاسس بأى حاجه و لا عايز من الدنيا حاجه و و لا بحلم بحاجه
لأ عايز
عايز اخس و عايز واحده تحبنى و تعمل عشانى كل حاجه في الدنيا مش قادر اعملها لوحدي
بس كده انا مش عايز حاجه تانيه خالص
اه افتكرت انا عايز حاجه كمان و خلاص عايز والدى و والدتى يتكلموا معايا مرة قبل ما يموتوا
.......؟؟
انا حياتى من البيت للكليه و من الكليه للبيت و ساعات احود على قهوة اقعد فيها من غير اصحاب اشرب شاي و قهوة و امشي
في البيت بقى انا قافل على نفسي باب غرفتى انا وحيد ابويا و امى ..يمكن بتمر ايام مبشوفهمش فيها لأنى بنزل الشغل و همّ نايمين و ارجع و همّ مشغولين و افضل في غرفتى طول اليوم بأستنى يحطوا لى الأكل على التربيزه اقوم اكله و همّ نايمين
مبحبش يشوفنى و انا بأكل و ساعات كتير اخذ معايا حاجاتى غرفتى و افضل اكل و انا قاعد امام جهاز الكمبيوتر تسليتي الوحيده في الحياة اللى بحس انى من خلالها عايش و شايف دنيا و ناس
اجمل ما في هذه الدنيا انى مش مضطر اشوف الناس و لا يشوفونى و خصوصاً انى بسبب كثرة الأكل انا بدين بشكل كبير جداً بيخليني مش نافع اعيش سنى
و رغم انى قارئ نهم بقرأ كتب كتييييييييير قوى اللا ان في كتاب واحد عمري ما قربت ناحيته و لا عايز اقرب
هو القرآن ..و اقرأ قرآن ليه و انا اصلاً مبصليش و عمري ما ركعتها .حتى الصيام و الزكاة و الكلام ده كله علاقتى بيه علاقه هامشيه جداً
اتعرفت عن طريق النت بشوية ناس حسيت انهم كويسين و عايزين ياخدوا بإيدي ...بس انا هاجمتهم و اتكلمت معاهم بطريقه بيسموها الناس سخيفه
كلهم كدابين و ممثلين محدش فيهم من الولاد مستعد يكون صديقي بجد لفتره من الزمن كلهم بيقولوا كلمتين و بينشغلوا بعدها في حالهم
محدش فيهم من البنات مستعده ترتبط بيّا و تاخد بإيدي و تساعدنى اخس و اكون مظري كويس كلهم برده بيقولوا كلمتين من باب المجامله و كلواحده فيهم حتى القبيحه اللى كتسواش منتظرة حسين فهمي يتقدم لها
و انا مش عيل عشان ينضحك عليّا بكلمتين ..حتى الكتب الكتير اللى بقراها مبصدقهاش كلهم كدابين ..كلهم عمّالين يقولوا كلام جميل يزوقوا بيه وجه الحياة المزيف القبيح محدش عايز يقول الحقيقه ان الدنيا قبيحه ..كلهم كدابين و انا مش بصدق حد ...كلهم غشغشين و منافقين
و اصدقهم ليه اذا كان ربنا مبصدقهوش ..انا اصلاً معرفهوش
ناس كتير قالوا لى لو حاولت تصلى و تقرأ في كتابه حتلاقيه و تعرفه
بس انا قلت لهم محدش بيدور على حاجه ميعرفهاش كتر كلامي مع الناس فهمنى ان عندي مشكله انا مش بحسها
انا مش لاقي نفسي و مش شايف بكره و كل املى متعلق بواحده تاخد بإيدي عشان تساعدني اتغير و اكون زي الناس العاديين ...بس المشكله انى مش راضي باى واحده
في مواصفات صارمه قوى في راسي من حيث الشكل و القوام و المستوي الإجتماعي عايزها جميله قوى و رشيقه قوى و شعرها ناعم و بشرتها بيضاء و بنت ناس قوى و عايز مخها يكون زي مخى يعني توافقنى على رأى و تعليمها يكون عالى
معنديش حاجه اقدمها لها ..محوشتش قرش ..عايزها تقبلنى بعيوبى ...عايزها كمان متشتغلش عشان تراعي بيتها و جوزها انا مبحترمش الست اللى بتشتغل او الست اللى ليها دور اجتماعي بحس انها منافقه و بتقصر دايماً بعد الزواج في بيتها و اولادها ..عايزها هي اللى تعمل كل حاجه في بيتنا لأنى معنديش استعداد اعمل اى حاجه
عايزها هي اللى تساعدنى انى ابتدى اعمل حاجه ..هي اللى تعرفنى اللى معرفوش ..تعرفنى على نفسي و على الله
في ناس كتير لمّا بعرض عليهم آرائي دي بيقلبوهالى حكم و مواعظ
و انا مصر على رأى
و حتى لو كنت غلطان زي ما بيقولوا انا حتى مش شايف الباب الصح منين ..مش عارف إزاى ممكن اتغير لوحدي عشان اقدر الاقي في نص الطريق حد يساعدنى زي ما بيقولوا
معنديش ادنى استعداد احاول اتكلم انا مع والدى و والدتى و اصلح اللى انكسر ما بيننا مع انى ساعات بيكون نفسي الحقهم و همّ عايشين لأنى عارف برده انى احتمال احزن عليهم لو ماتوا
و رغم انى نفسي انهم همّ اللى يحاولوا يكلموني اللا انى كل ما بيكلموني بنهرهم و بزعق فيهم عشان مبيقولوش الكلام اللى انا عايز اسمعه
نفسي طبعاً اخس و اكون شاب وسيم و رشيق لكن بشرط متخلاش عن اى وجبه من الوجبات بتاعتى و متحرمش من اى صنف من اصناف اللى بحبها ..عايز اغمض عين و افتحها الاقي نفسي خسيت
نفسي يكون لى اصحاب بس بشرط يستحملوا طريقتي الجامده في الكلام و اعجبهم بكل افكاري الغريبه
نفسي الاقيها و تقبلنى و تعجب بيّا زي ما انا كمان ..و محتجش اتكلم معاها كويس ...عايز اتكلم معاها بفظاظه و هي تستحملنى زي ما بتستحمل الأم ابنها ..بس انا امى معادتش قادره تستحملنى ..المرض هدها و كل اللى بتعمله ليل و نهار كل ما ارد عليها بعصبيه انها تنرفزني بدعائها ليّا ربنا يهيدك و يسامحك يا بنى
يا ترى ممكن الاقي بينكم حد يقولوا حلول عشان احقق كل ده غير انى اصلى او اقرأ قرآن
انا مش رافض اصلى بس مش لاقي طريقه تجبرنى على الخطوة دي ,,مش قادر حتى احاول و مش عارف ليه ...و كل حد بيحاول يساعدنى بلاقي نفسي برده مش قادر اسمع كلامه
همّ بيقولوا ان ربنا قادر على كل شئ ..اذا كان ربنا مش عايز يساعدنى مش عايز يبعت لى البنت اللى بدور عليها عشان تاخد بإيدي و تخليني اصلى و اقرأ قرآن هو مش عايز ...يبقى الناس حتقدر
يا ترى حد عنده حل لمشاكلى
ماذا تفعل لو كنت مكانى 3
ماذا تفعل لو كنت مكانى ؟؟؟؟
------------ -----
السلام عليكم و رحمة الله و بركاته
اعزائنا الكرام ..يعيش معنا في دنيانا الكثير من القلوب و العقول الحائرة لتى هي بحاجه لناصح امين مخلص و بحاجه لنصح حقيقي و آراء واعيه في الدين من اهل الدين و في الدنيا من اهل الخبره
مع حضراتكم سنسير بين تساؤلات و مشكلات بعضاً من هذه القلوب و العقول و نتمنى ان تحظي هذه المجموعه بقراءه حضراتكم و في انتظار رأيكم و مشورتكم و ردودكم عبر بريد الجروب الذي تتلقون من خلاله الرسالة
شكراً ..و اسيبكم مع القصص
مهندسه /منار ممدوح عقل
------------ ---
لمسات اسريه
---------
انا ام لأربع شباب اصغرهم في الثانويه العامه و اكبرهم في السنه الخيرة في الجامعه ..انا و زوجي دفعة واحده في الكليه ..يعني تزوجنا بعد ارتباط و حب و قصة كفاح عانيت فيها لإقناع اسرتى البسيطه بإرتباطنا بعد ما كانوا يتمنون لى الثري الذي سينتشلنى من فقر حالى و يوفر لى و لأبنائي حياة لم يستطيع ابى و امى توفيرها لى
و تصورت و انا اكافح من اجل توفير لمسات قليلة التكلفه للإحتفال بزفافى رغم كل شئ مثل استلاف فستان الزفاف من احد صديقاتى و صنع ترتة العروسه في البيت ..تصورت مع هذا كله اننى سأكون اسعد النساء و اننى سأحيا قصة حب تنافس افلام الأبيض و اسود
و لكن كل هذا انتهى تماماً بعد اول يوم زواج
فزوجي دائماً صامت لا يحب الكلام الكثير و هذا ليس هاماً كثيراً فهذا طبع اغلب الرجال و لكن الكارثه انه لا يحب ايضاً الكلام الجميل لقد شعرت من اليوم الأول و نحن نجلس على السفره نتناول الأفطار الذي اعدته لنا اسرتينا اننى انتهى دوري في حياته كحبيبه و ابتدى دوري كخادمه عليها فقط ان تطبخ و تغسل و تمسح و تكنس
فلم يكن حواري معه يتعدي هذه المهام منذ اليوم الأول و لم يكن يقبل منى اكثر من هذا فلو حاولت انا مثلاً ان اكون المبتدئه بالحديث و حاولت مداعبته ببعض الجمل اللطيفه لا اجد منه سوي الصد و الإستهزاء بى و التريقه
انجبت اطفالى و سافر زوجي للعمل في الخارج و سارت بنا رحلة الحياة ..كان شاغلنا الأكبر و الأوحد هو توفير مستقبل افضل لأبناءنا و مع وفرة المال نسيت نفسي و مشاعري و انطلقت وراء زوجي لتحصيل المزيد و المزيد من اجل وسط اجتماعي افضل و انشغلت بالمدارس و تخليص العديد من الأوراق
كنت في غياب زوجي مطمع للكثيرين من الأقارب و البعيدين و لكنى لم افكر ان اقارن لحظه بين من يقتحمون مشاعري بكلماتهم و بين زوجي الجاف معى ..بل بالعكس كنت استاء من هذا كثيراً و لم اكن افكر لحظة في كلامهم ..حال اغلب الزوجات الشرقيات الوفيات المحبات لأزواجهن مهما كان جفاء الزوج
و مرت فترة شبابى و فرحت بان ابنائي يكبرون و حاولت ان اتناسي كل اللمسات الرومانسيه التى حلمت بها مع زوجي سنوات و سنوات و بدأت احاول ان اعايشها مع ابنائي
و لكن ابناء هذا الجيل لا يعترفون بحق الآباء عليهم فمن اكون انا حتى يشاركنى ابنى بعض اللمسات الأسريه الرقيقه او يحاول ان يسمعنى كلمات لطيفه بعد سؤالى عليه او اهتمامي بأمره او حتى بعد تقديم هدية له في مناسبة خاصه به او نجاح
قد يفعل هذا مع صديقه او صديقته امّا انا فمجرد ماما التى يجب ان يقابل كلامها بالغضب و الصوت المرتفع و التزمر و الضيق المستمر و الطريقه ميضرش و اظهار الزهق و الملل المستمرين من حبى و اهتمامى بأمرهم و سؤالى عن حالهم
مع مرور السنوات بدأت اشعر ان زوجي الحبيب و ابنائي روضوني على عدم الشعور ..فتقوقعت بداخل ذاتى و احتفظ باللمسات الرومانسيه لنفسي و لمن يقدرون هذا في محيط معارفي من صديقات و زميلات و حاولت ان ارتضي الأمر وانقله بسخريه للآخرين
و لكن الأمر لم يخلو من بعض الحنين من آن لآخر ان اطلب هذا من جديد من ابنائي و زوجي
نسيت ان اقول لكم ان هذه ليست مشكلة عمري الوحيده حتى لا يتصور من يقرأ اننى اعانى من رفاهية الفراغ و الماده
و لكنى احتاجها كآخر مطلب انسانى سهل توفره في الحياة ..و ذلك بعد ان فقد زوجي عمله و خسر معظم مدخراته و بدأنا من الصفر و بدأ هو في عمل جديد بمترب صغير و كذلك فعلت انا ايضاً و نزلت لمجال العمل اكافح معه بكل ما اوتيت
لم يعلم احد من افراد عائلتى و عائلته بالأمر و اصبح الأمر كما لو اننى مللت من الجلوس بالبيت فهممت بالنزول للشغل من باب الترفيه عن النفس
و اصبحت الضغوط مزدوجه فأبنائي يطلوبن منى المال كما يطلبون الأكل و الشرب كذلك زوجي ..يريديني ان اوفق بين عملى و بيتي بجدارة متناهيه ..فهو كإنسان له الحق ان يعود من لاعمل منهك و جائع يأكل و ينام و يجب ان يكون البيت نظيفاً و الغرف مرتبه و الملابس مغسوله و مكويه و طلبات البيت لا يتدخل ابداً في شرائها فهو لا يعرف متى نحتاج الخضار للسطله و لازم تكون السطله كامله كل يوم لو نقصت عنصر من العناصر عشان ملاقيتش عند بتاع الخضار و انا راجعه من الشغل يغضب و مياكلش
كمان ميعرفش امتى بيخلص الزيت و لا الصلصه و لا حتى السكر و الشاي ..و لا يغفل عن هذا من باب القسوة لا سمح الله و لكن لمجرد انه رجل خلق للعمل الشاق خارج البيت و فقط و يري طيلة عمره ان البيت للنساء و كوني نزلت للعمل معه لتوفير مطالب اسرتنا و تأمين احتياجات ابنائنا فهذا لن يغير من الأمر شئ و لن يقلل من واجاتى نحو بيتي شئ
و في صراعى مع الحياة الماديه و محاولتى للنزول للأسواق المستعمله لشراء الكتب و الملابس و منحها لأبنائي الذين لا يهمهم سوي المنظره التى نشأوا فيها و منحى لها اياهم على انها من ارقى و افخر محلات منطقتنا السكنيه
و في غضون محاولاتى المستميته لستر اسرتنا و محاولة الظهور دائماً بالمظهر اللائق رغم قلة الإمكانيات جداً رغم كل هذا لم انتظر سوي لمسات اسريه حانيه من افراد اسرتى
تعرضت عائلتنا لحالات وفاة كثيرة في الفتره الماضيه و لم اجد لى ثياب لائقه لحضور المناسبات تلك ..نظرت لملابسي القديمه و تذكرت اننى لم استري لنفسي و لا قطعة ملابس منذ اكثر من 6 سنوات
كنت اجلس بجوار زوجي في المساء و طرحت الأمر عليه حكيت له اننى بكيت من فرط تأثري عندما لم اجد ملابس سوداء حتى لحضور هذه الأحداث كنت انتظر منه كلمة طيبه يخف بها عنى ..كنت انتظر ان يهتم لمدوعي و لو مرة واحده في حياته ...و لكنه عندما سمعنى كان يخشي من شئ واحد و هو ان يكون مطالباً بشراء و لو جاكيت لى لن يتعدى مبلغه ال100 جنيه
ال100 جنيه لأسرة في ظروفنا يعني كارثه و تكلفه لا تحتمل و لكنى حتى لو طلبتها بعد 6 سنوات حاولت فيها تأمين المأكل و المشرب لأبنائي على حساب طلباتى و صحتى
فقد كنت اشخذ الدواء الذي كانت تكفلته تفوق ال200 جنيه في الشهر كنت اخذه من احد الجمعيات الخيريه بدون مقابل حتى اخفف عنه عبء اصابتى بالسكر و الضغط و القلب نتيجة شقائي
و مع كل هذا فانا لم اكن اطلبها ايضاً و لكنى فقط طلبت منه الإحساس و المؤازره فقط كنت اتمنى في كل تلك الصعاب ان يكون هو الحضن الدافئ لدموعي و الكف الحانى لضعفى
كنت اتمنى ان اتزمر انا فيهدئنى هو ..و ان اضعف انا فيقويني هو و ان ابكى انا فيسمح دموعي هو
و لكن هذا لم يحدث ابداً ..حتى عندما كانوا ابنائي يضايقوني بعدم تعاونهم همّ الآخرين حتى في ترتيب غرفهم ..كنت اتمنى ان ينصفنى امامهم ..و لكنه كان يتزمر فقط من ارتفاع صوتي و من كثرة المشادات بيني و بين الأبناء ..انه فقط لا يريد ان يزعجه احد
و ليته كان يكرهنى كنت وجدت مبرراً لهذا او انه منشغل عنى بغيري و لكنه طيلة سنوات الزواج لم ينظر لأخرى و لم يعبر عن كراهيته لى فلماذا هذا الجفاء لا ادري
و سبحان الله انه يتجرع نفس كأس العذاب النفسي الذي يسقيني اياه من ابناءه فهو يعانى من جفائهم معه و من مادية طلباتهم
لقد قال لى منذ ايام انه تأثر بشده عندما احتضنه ولده الكبير
قال لى تصوري ..اول مرة الولد يحضننى و ييوسنى من سنيين كنت سعيد رغم انه عمل كده فقط لأنى قدمت له هديه نجاحه ساعه قيمه
نظرت له و هو يقول هذه الكلمات و تعجبت من انه رجل يشعر و يتألم و يرغب هو الآخر في اللمسات الأسريه الحانيه
ابتدوا يلاحظوا انى اتغيرت من ناحيتهم و يسألونى و مبقولش ..حقول ايه
21/3 يوم الأم
لم انتظر منهم في هذا اليوم كل عام سوي الكلمه الطيبه و لكن كالعاده الأبناء بياخدوه بتهريج و بحس اد ايه همّ بيستخسروا فيّا مصروفهم و زوجي تنهكه الماده و يعتمد على اننى اقدر و لا يوجد في جعبته كلمة حانيه طيبه واحده من اجلى
فكرت كثيراً ان اظل على تغير حالى معهم و جفاء علاقتى بهم مع ىداء كل واجباتى الأسريه نحوهم
انه لن يؤثر فيهم كثيراً و لكنه سيريحنى قليلاً ..اللا اننى بقلب الأم و الزوجه ارفض هذا الجمود و اكره نفسي عندما تبخل عليهم بالكلمات الطيبه و بالسؤال و الإهتمام بأمرهم
لا ادرى لم اكن عاقة يا ربى بأهلى حتى تعاقبنى هكذا
فهل بكائي و شكوتي هذه حرام و تزمر على قضاء الله
ان غيري في ابتلائات شديده و تفوقنى و لكنى احياناً اشعر اننى لم اعد احتمل
يقولون لى احمدي ربنا ان ملكيش ابن معاق و زوجك اللى بتشتكى من جفاءه ده اسمه موجود امامك في الحياة مش متوفي ولا حاجه لا قدر الله ..ابناءك رغم جفائهم متربيين محدش فيهم مدمن و لا بيهرب من دروسه و اللا مصاحب
احمدي ربنا ..دائماً يقولون هذا
فهل انا مخطئه بشعوري بالألم اصلاً و هل انا مخطئه في شكوتي تلك لله
هل اعود لسابق عهدى لم اظل على جفائي هذا حتى يشعرون
هل اصارحهم بأسباب ضيقي التى مللت من تجاهلهم لها ام اظل متكتمه امرى و حامده ربى و بايسه ايدي و ش و ظهر
كمان عايزه حد يقول لى ايه الغلط اللى انا عملته من اول حياتى و اللى اتسبب في كل اللى حصل ده و لو كان في اى حد من حضراتكم مكانى من اول الحياة كان لازم يعمل ايه عشان ميوصلش لحالى في النهايه
السبت، 17 أبريل 2010
ماذا تفعل لو كنت مكانى 4
ماذا تفعل لو كنت مكانى ؟؟؟؟
------------ -----
السلام عليكم و رحمة الله و بركاته
اعزائنا الكرام ..يعيش معنا في دنيانا الكثير من القلوب و العقول الحائرة لتى هي بحاجه لناصح امين مخلص و بحاجه لنصح حقيقي و آراء واعيه في الدين من اهل الدين و في الدنيا من اهل الخبره
مع حضراتكم سنسير بين تساؤلات و مشكلات بعضاً من هذه القلوب و العقول و نتمنى ان تحظي هذه المجموعه بقراءه حضراتكم و في انتظار رأيكم و مشورتكم و ردودكم عبر بريد الجروب الذي تتلقون من خلاله الرسالة
شكراً ..و اسيبكم مع القصص
مهندسه /منار ممدوح عقل
عذراء في الخمسين
---------------------
لمّا اتقدم لى وافقت عليه ...مع انى بيتقدم لى عرسان من سن ال13 سنه و لا عمري وافقت تحت ضغط اى ظروف او في اى مرحله عمريه سواء طفوله او مراهقه او صبا او شباب او حتى عنوسه
يا ترى ليه ..مضربه عن الزواج مثلاً ؟؟؟... في الواقع لأ بس كل اللى كانوا بيتقدموا لى من نوعية غير اللى ف خيالى ...كنت منتظرة واحد بمواصفات معينه و مجاش
امّال ايه اللى حصل خلاص لاقيته في عريسي ده اللى سنه 60 سنه و انا سنى 50 و اللا اخيراً ضعفت تحت ضغط الوحده و احساسي بالألم و المرار كل سنوات عمري الماضيه و خصوصاً اننى ابنة المجتمع الشرقي الذي لا بيرحم و لا بسيب رحمة ربنا تنزل:)
مهمنيش كتير مظهره ..يعني يا ترى بيلبس كلاسيك و اللا كاجوال
مهمنيش تسريحة شعره يا ترى تسريحه تقليديه تخليك اول ما تشوفه عايز تقول له يا جدو و اللا تسريحه روشه تخليك تحسده على انه كبير بس مهتم بنفسه
في ناس لمّا قلت لهم الكلام ده شفت في عينيهم نظره صريحه يقول نصها و هو انتى كمان عايزه تتشرطي
ده انتى تحمدي ربنا ان تلاقي حد و السلام
انا مش مجنونه و لا تافهه عشان احكم على حد من مظهره و بس زي المراهقات و خصوصاً و انا في سنى هذا كما يقولون
و لكنى كنت اقول هذه الملحوظه لأنى مؤمنه ان طريقة زي الإنسان و تسريحة شعره و اسلوبه في الكلام و حاجات كتير قوى بيعكسوا شخصيته و بيرسموا ملامحها
و من هنا ابتدت مشكلتى مع الناس و مع الأستاذ العريس شخصياً
انا انسانه مهما كان سنى من حقي احب و اتحب و اعيش لحظات رومانسيه و اعوض كل لحظه من عمري معيشتهاش
خصوصاً انى انسانه محترمه من بيت محافظ ..يعني مكانش ليّا تجارب عاطفيه لم تكتمل كما يحدث
مع كثيرات ممن يصلن لسنى بدون زواج ..
و انما حفظت نفسي و مشاعري لشريك الحياة الذي انتظرته 37 عاماً من عمري
و رغم انى قديت حق الله ثم حق اسرتى و المجتمع اللا انه محدش عايز يديني حقي
كلهم بيبصوا لى بصات بتوجعنى و كتير منهم بيعلقوا كأنى مثلاً طفله مش واعيه و مش حاخد بالى او جماد لا يشعر
فمثلاً عندما تكلمت عائلتى مع العريس بشأن حقوقي الأدبيه و الشرعيه من شبكه و شقه و خلافه
كانوا مكسوفين جداً يتكلموا معاه في حاجه ..و كل شويه يقولوا وسط الكلام ما هي لو صغيرة كنّا قلنا و قلنا لكن انتوا كبار و ادرى بحياتكم و الحاجات دي بقى ترتبوها زي ما انتوا عايزين
استكتروا عليّا الخجل و استخسروا فيّا بدون قصد لحظه عايزه احس فيها انى بنوته و بنطلب من اهلى و ان اهلى يهمهم يسألوا العريس هو حيقدم ايه لعروسته
هو كمان كان محرج يتكلم في موضوع زي ده ...كان جاي البيت و في جيبه خاتم الشبكه ..تمنه غالى ايوة بس حرمنى و حرموني كلهم من لحظه ادخل فيها للجواهرجي و اختار شبكتى بنفسي و احس انى عروسه يمكن كنت اختار حاجه ثمنها اقل بكتيييير من ثمن الخاتم اللى اشتراه
بس كانت سعادتى حتبقى اكبر لو الاقي حد من اهلى يظغرط لى بعد ما اختارها زي ما كنت بشوف العرايس بعيملوا
ساعات في ناس شباب بيختاروا همّ الشبكه للعرايس بتاعتهم ...و انا مش ممانعه لو كان في اى مبرر تاني غير انهم يكونوا مكسوفين من انهم يخطوا الخطوة دي و همّ بيقولوا في سرهم " الجواهرجي حيقول علينا ايه ة منظرنا حيبقى ازاى ؟؟؟هو احنا حنفرج علينا الناس " او للأسف حاسيين انها خلاص بمرور الزمن سقطت و معدش ليها اهميه هذه الخطوة و اخواتها
يعني مثلاً لمّا اتكلمت في الفرح لاقيتهم بيبصوا لى بإستغراب سابقه سؤال منطقي ..هو انتى لسه حتلبسي فستان ابيض
و هو انا يا جماعه كنت لبسته قبل كده اصلاً ؟؟!!؟؟؟
:)طبعاً مش كل الناس واخده الصف ده 95 % من معارفي بس من ضمنهم العريس شخصياً
في بقى 5% مؤمنين بحقي في الحياة و فرحانين لى و نفسهم يفرحوني بأى شكل و لكنهم رغم نقاء سريرتهم و جمال قلوبهم اللا انهم برده من غير ما يقصدوا بيجرحوني لمّا بيحسسونى دون قصد ان مشاعرهم دي تعاطف معايا ...بالضبط زي ما بنشوف حد مريض فبنشجعه بكلمات معنويه قويه او لمّا بنشوف حد عجوز فبنقول له انت لسه شباب
و غيرها من مواقف نبيله تدل على اخلاق و تربية و اصل اصحابها لكنها في نفس الوقت اقوى دليل على انك في مجتمع شرقي ...في الغرب الناس بتتعامل عادي جداً مهما كان سنهم او حالتهم كل الناس بتتعامل مع بعض عادي و طبيعي مش محتاجين يكونوا راقيين اكتر او حساسين او ذوق اكتر مع واحده في سنى و لسه بتتجوز ..همّ اصلاً بينهم و بين نفسهم معتادين الفكره و بيتصرفوا بشكل تلقائي و طبيعي
في ناس ممكن تحتار من كلامي و تقول لى قولى لنا يعني بالضبط مطلوب يعملوا ايه
لكن انا دايماً بقول ان الأمور دي بتتحس
فمثلاً في قاعة الزفاف كان المشرف اللى مصاحب ليّا في الجوله بيقول كلام لطيف قوى عشان دي وظيفته لكن بينه و بين نفسه كان عنده كلام تاني خالص عايز يقوله و منتظر بس امشي عشان ييتريق عليّا مع كل اصحابه و هذا الإنتظار كان باين عليه قوى في نظرات عينيه و هو بيقابل كل حد من زملاءه في الطريق و بيعرفه انى انا شخصياً تبقى العروسه مش مامتها
و بالرغم من ان مشكلتى مع الناس قويه اللا انى مشكلتى معاه هو اقوى ..اقصد العريس يعني
تصورت انه حيشجعنى على افكاري و ينطلق معايا نحو السعاده لكنه تقليدي اكثر منهم ...كان متزوج قبل هذا و لم يرزق اطفال و توفت زوجته منذ سنوات و شاروا عليه بأن يتزوج مرة اخرى ..فتقدم لى
و عندما تقدم لى نظر لأصل عائلتى الطيب و مستوايا الإجتماعي الذي يقاربه و اهم شئ اننى لم يسبق لى الزواج و لا عندي اطفال و لا مسؤليه و لا خلافه ...مفرقتش معاه كتير افكاري ..و لم ينبهر بشخصي ..و لم يعجب بقصة كفاحى في الحياة او التعليم ..ده حتى شكلى نفسه مفرقش معاه ...و حتقولوا لى عرفتى منين ..حقول لكم مقالش اى تعليق بخصوص اى حاجه من ما سبق ذكره
هو بيتعامل معايا بتهذيب ايوة ..لكنه يرفض كل اللمسات الرومانسيه حتى لو كنت انا من يبدأ بها ..يرفض ايضاً ان يبادلنى الكلمات الرقيقه ...انا لا اطلب جمل فظيعه و لكن فقط جمل تحمل معانى الإعجاب و المجامله ..و لكنه بكل اسف من الجيل اللى :) كان مؤمن ان كلام الإعجاب و الرقه للزوجات حرام
وعندما ارسلت له رسالة على الموبايل بعد قراءة الفاتحه بأيام لم يقرأها حتى انه من الزمن الذي ينظر للموبايل على انه مجرد أله بتقول الو ..و رافض يعرف فيها اكتر من هذا و لو اتكلم عن اى حاجه فيه كأنه تهمه بينفيها عن نفسه فكل مميزات العده بتاعته مبيعرفش فيها اى حاجه و الله العظيم
هكذا يقول هو ..انا مبفهمش فيها و الله العظيم
و يا ريته اهتم حتى انى اطلعها له و يقراها او يعرف منى مضمونها او حتى يشكرنى عليها او بلاش كل ده على الأقل احس انه فرح بيها ...لكن محصلش .. لا اى رد فعل لا سلبى و لا ايجابى يا دوب سمع منى المعلومه و نفي عن نفسه التهمه و دمتم
ناهيكم عن انه يوم قراءة الفاتحه نفسها التى ضمت المقربين جداً من اهلينا فقط ...مرت بمنتهى التقليديه ..و كان قاعد فيها طول الوقت بيتكلم مع الناس عن مشاكل الشغل و مشاغل الحياة كأنه والدى اللى كان بيحضر قراءة فاتحتى مش عريسي ..كان :) ناقص اقوم اجيب له حباية الضغط عشان معادها جاء و يقوم بقى يستأذن من النصف عشان معاد نومه
حقول لكم على حاجه و متضحكوش عليّا ..طول عمري كانت بتعجبنى فقرة الرقصه الهادئه بين العروسين في افراحهم ..و الحقيقه يعني للصدق مش طول عمري قوى ...لأن الظاهره دي اصلاً مبقيتش تقليد في افراح الزفاف اللا من حوالى 15 سنه او اقل
و في كل فرح و في كل مرة كنت بتخيل نفسي انا العروسه ....و اسأل نفسي يا ترى هو حيكون مين العريس و امتى و طبعاً لمّا قلت له انى عايزه اعمل فرحى في قاعه من اجل هذا الغرض استنكر الأمر و رفضه برمته و حتى رفض يجي معايا يشوف القاعه ..كان حاسس انها قلى قيمه هو و كل اهلى ...عشان كده رحت لوحدي ...يمكن كنت عارفه ان الأمر مش حيتم حتى لو تحملت انا النفقات و المصاريف برده مش حيتم لأنهم كلهم رافضين
و مع ذلك زي ما تقولوا كده ما صدقت الاقيها فرصه انى اروح و اسأل و اشوف و يديني الأبوم في ايدي اتفرج على الكوشه و اختار لى كوشه ..
ياما رحت مع صديقاتى و بناتهم و زوجات اخواتى الرجال و حضرت اللحظات دي ..كنت دايماً صاحبة العروسه اللى عليها تأمن على رأى العروسه و تنصحها في حذر و بس و هي خايفه لحسن العروسه تتضايق من فرض ذوقها عليها ..و كل مرة كنت بتصرف فيها بالحذر ده ..كنت بمنى نفسي انى في يوم من الأيام حيبقى لى انا حق الإختيار ..و حيبقى لى الكوشه المخصوصه بتاعتي
لكن كل الآحلام دي مكنلهاش مكان عند حد تاني كانت احلامي لوحدي و بس ..كنت فاكره انه يوم ما ربنى حيرزقنى بيه اننا حنتقاسم الحلم ده مع بعض بس محصلش
و الحقيقه بقدر ما انا مستغرباه ..هو كمان مستغربنى جداً ..و كل شويه يتتريق عليّا و يقول لى ايه يا بنتى انتى ما صدقتى يتقدم لك عريس و اللا ايه ...عايزه تعملى كل حاجه زي زمان قولى للزمان ارجع يا زمان
الغريب ان في شباب كتير مش بيقدر يعيش اللحظات اللى انا عايزاها دي بسبب ظروفه الإقتصاديه و انا يا اللى معايا المال محرومه منها لظروف معنويه ...اللهم لا اعتراض
و كل ما يتكلم كده معايا ..اسأل نفسي بجاديه ..انا ليه وافقت ؟؟؟؟
ما هو طلع راجل زي كل الرجال المتحجرين الجامدين القلوب و العقول اللى كانوا بيتقدموا لى و عايزين جوازه و السلام يعني واحده يحطوها في البيت لخدمتهم و خلاص ..لكن يحسوا بيها و يتعاملوا معاها برقه و انسانيه متلاقيش ...امّال انا ضيعت سنيين عمري دي كلها ليه ؟؟؟؟
مكان زمانى تزوجت من 20 سنه فاتت على الأقل ...اى جوازه و اهو ظل راجل و لا ظل حائط
و مشكلتى دلوقتي هي اكمل مع هذا الإنسان اللى اكتشفت خلال اسابيع بسيطه ان مفيش اى مشاعر بتربطنى بيه و لا حتى مشاعر الموده و الإحترام المطلوبين في بداية اى ارتباط و اللا اكتفي بهذ القدر و اكمل حياتى راهبه في محراب افكاري الخاصه التى لم و لن اجدها في قلوب من لهم نفس سنى تقريباً
و اللا ارضخ لقيود مجتمعي الذي انتمى له اسماً فقط و ليس فعلاَ فانا مؤمنه بأنه مهما كانت المرحله العمريه التى نمر بها فمن حقنا ان نحيا
انا مثلاً معنديش اى مانع لو رحت حديقه عامه و لا قيت فيها مرجيحة اطفال انى اركبها تعويضاً عن طفولتى اللى برده معيشتهاش قوى في ظل قيود مجتمعيه اقتصاديه متزمته
كانت بتفرض على البنت في زمانى تنهي طفولتها في سن ال8 سنوات على الأكثر لتتحمل مع والدتها مسؤلية البيت و المساهمه في تربية من يليها من اخوات ..لأننى كنت احد ابناء الطبقه المتوسطه
لكن كبرت و اتغيرت الدنيا من حواليا و اتغيروا الناس و اتغيرت الأفكار و لاقيت نفسي بشبه اكتر ابناء هذا الجيل ..و لكن سيدة مثلى فاتها القطر في كل حاجه من وجهة نظر المجتمع
كل ما بتعمل شئ بيستكتروه الناس عليها و بيستخسروه فيها
لو طلعت رحله او خرجت فسحه او رحت سينما ...يتيرقوا عليّا قريباتى اللى هدهم الزمن و البيت و هموم العيّال ..و يقولوا لى و النبى انتى رايقه
ده حتى الأكل عملوا له سن:) ... كنت بشتكي مرة من القولون العصبي فسألتنى زوجة اخى هو انتى آخر حاجه اكلتيها ايه ..فرديت بعفويه ..اكلت تين شوكي:d
هي سمعت ده من هنا و كأنى قلت لها لا قدر الله انا شربت خمر مثلاً
فزعتنى و هي بتقول لى تين شوكي ايه اللى اكلتيه ده هو ده بتاع سننا ..هو انتى لسه بتاكلى تين شوكي بصيت لها بإستغراب ..طبعاً هي كانت بتقصد عامل الصحه
و ان في اكل في سن معين يسبب مرض لا قدر الله ..و انه لازم الواحد يحافظ على صحته ..بس خانها التعبير و انا مكنتش ناقصاها خالص
بهزر و بتتريق و بسخر ..لكنى بيني و بين نفسي مدبوحه و حاسه بوحده شديده قوى في الحياة
..من 20 سنه كان في شوية ناس بتأيدنى لكن دلوقتي بنادي بأفكاري الغريبه في نظرهم وحدي ..حتى شريك الحياة اللى انتظرته 37 سنه اكتشفت معاه ان انتظاري كان على الفاضي و انى ضعيت عمري بدون داعي
و كأن الله يقول لى انتى بتتبطري على عطايا ربنا و لو عيشتى عمر فوق عمرك انا مش حبعت لك غير اللى انا كاتب لك انهم يكونوا نصيبك فمتفكريش ف اللى مش نصيبك
هذا الهاجس انتابنى مؤخراً و شعرت بالخوف من ان يكون الأمر كذلك و اكون بغضب ربنا في حكمى و اختياراتى لشريك الحياة و مش عارفه حقيقي اعمل ايه عشان اخرج من الدوامه النفسيه و الذهنيه التى اوقعت بها نفسي ..و يا ترى انا صح زي ما انا شايفه نفسي و اللا غلط زي ما همّ شايفين
الجمعة، 16 أبريل 2010
ماذا تفعل لو كنت مكانى 5
ماذا تفعل لو كنت مكانى ؟؟؟؟
------------ -----
السلام عليكم و رحمة الله و بركاته
اعزائنا الكرام ..يعيش معنا في دنيانا الكثير من القلوب و العقول الحائرة لتى هي بحاجه لناصح امين مخلص و بحاجه لنصح حقيقي و آراء واعيه في الدين من اهل الدين و في الدنيا من اهل الخبره
مع حضراتكم سنسير بين تساؤلات و مشكلات بعضاً من هذه القلوب و العقول و نتمنى ان تحظي هذه المجموعه بقراءه حضراتكم و في انتظار رأيكم و مشورتكم و ردودكم عبر بريد الجروب الذي تتلقون من خلاله الرسالة
شكراً ..و اسيبكم مع القصص
مهندسه /منار ممدوح عقل
رسالة لأخى
--------
والدى رجل شرقي ..
تصدر لنا ثقافتنا الإعلاميه معلومة الرجل الشرقي على انه سي السيد اللى قافل على اهل بيته الباب و الشباك و مهتم يخنقهم في الحاجات الظاهريه فقط و اللى طلباته اوامر ..الخ
و لكن مفهوم الرجل الشرقي الذي اصف به ابى ..هو مفهوم مشرّف ...فهو الخبير الذي قدر قيمة الماسات التى رزقه الله اياها فحفظها في زجاجات بنوريه و حملها فوق رأسه و بين رموش عينيه ...ليظهرها للعالم بأكلمه بأبهى صورة لها و اروع منظر على شرط ان لا تعبث بها الأيدي و لا يمسها المتطفلين بسوء
هكذا كان ابى ..يغار علينا من ان نخرج في نزهه عائليه هو ليس بها ...و لكن لم يكن معنى ذلك ان يحبسنا في المنزل و لكنه كان يعتذر عن هذه الخروجات ليمتعنا بنزهات اروع منها
و لكن بصحبته
و لكن بصحبته
يعتذر عن اى عمل ممكن ان يجعله غير رقيب على اهل بيته او بعيد عن اسرته اياماً كثيره مهما كان العائد المادي من وراء ذلك
يعتذر عن اى فرصه ذهبيه لأى واحده فينا انا و اخوتى البنات او والدتى في عمل او دراسه من الممكن ان تؤدي ان نكون بعيدين لفتره من الزمن عن رعايته و لكنه في نفس الوقت كان يرحب بكل و اى عمل او نشاط جاد و محترم من الممكن ان نمارسه تحت رقابته و توجيهه
كان ابى يهتم لأمرنا كثيراً اكلنا ملابسنا ..شئون البيت ..تعليمنا ..كان من الصعب ان تواجه اى واحدة منّا اى نوع من انواع المشاكل في الحياة في دراسة او جامعه و لا تفكر ان تجري مسرعة لتشكو لوالدها ...فهو سندها و ظهرها و حمايتها ..ابى قطعاً سيتصرف
دخلنا في مرحله المراهقه انا و اخوتى البنات و عبرناها بأمان فوالدى كان صديقنا الصدوق ...الذي يشاركنا جميع الإهتمامات ...و الذي نحب الكلام معه كثيراً ..و نعبر عن كل مشاعرنا بصراحه و وضح دون ان نخفى عنه اى شئ
و مع كل هذا كنّا نخاف منه و من غضبه و من عقابه و من قوة شخصيته و نخجل منه اكثر من كل البشر ..لقد استطاع والدى ان يحقق معادله يتمناها كل الأباء تجاه ابنائهم و هي ان يكونوا اقرب من لأبنائهم في الحياه و مستودع اسرارهم و قدوتهم و دون ان تهتز هيبتهم كآباء
مشكلتنا الكبيرة هي ان والدى خاض تجربته في الحياة معنا بمثاليه شديده و انتظر من الحياه ان تكمل معه معزوفة المثاليه تلك فتمنى لبناته ازواجاً صالحين يشعر بهم و معهم انه ادى امانته و سلم بناته لمن يحفظهن و يكمل مسيرته معهن من قوامه و رعايه و حنان و توجيه و دعم ...ليعيش هو ايامه بعد ذلك بهدوء ..
فأخذ يرفض كل و جميع المتقدمين لبناته و هن في سنوات الدراسه ظناً منه ان الزمن سيسير وفق نظامه هو و انه فور حصول كل واحدة من بناته على شهادتها سلاحها كما يعتقد ..كان يتصور انه وقتها فقط سيسمح لسيل العرسان بالسريان في طريق بيتنا و سيتم كل شئ كما حلم به بسهوله و يسر ان شاء الله
و لكن هذا هو ما لم يحدث فقد تقدم لنا عدد لا بأس به من المحترمين و لكن لم يكن احدهم مناسباً بالشكل الكافي ليتم الزواج و هاجمت والدى الأمراض بشراسه اكثر من كل السنوات الماضيه
و بدأ الواقع يتغير ..اصبح والدى غير قادر بسبب شدة المرض على التواجد بجوار بناته الضعيفات و زوجته الطيبه كما عودهن على مدار اكثر من 18 عاماً ..بل ان الألم جعله غير قادراً على التواجد في حياتهن و مشاركتهن الإهتمامات المختلفه حتى و هو معهن داخل المنزل
فبدأت الوحده تدب في قلوبهن
اه ..نسيت ان اقول لكم ان لنا اخوة شباب ..رباهم والدى بطريقه مختلفه ..و كان يحلم معهم ايضاً بميثالية القدر ...
.اى انه توقع منهم ان يكونوا عصا المشيب له في الكبر و السند و الظهر لأمهم و اخواتهم البنات ..فمنحهم كل و جميع الصلاحيات ...و علمهم كل شئ ..اخذهم معه في كل مكان يخص عمله ليلموا بكل الإجراءات الرسميه المتعلقه بماله و عمله و لكنه لم يشدد عليهم في تحمل المسؤليه بل رباهم بتدليل مفرط فأخذ مفهوم الرجل عندهم شكل آخر غير ما يتمنى والدى
فمرت الأيام مرت و كبروا اخوتى الشباب ..وإستأثروا من المميزات التى منحهم اياها والدى بكل ما هو مرفه فيها ..و تركوا لنا و على عاتقنا كل الصعاب...و كل ما هو متعلق بطلبات والدينا داخل و خارج المنزل ..و مع الأيام تحول اخوتى الشباب لعبء جديد يضاف لأعباء حياتنا
فكثيراً ما يملؤنى الشجن عندما اقارن بين سلوك والدى تجاهي و سلوك احد اخوتى الشباب معي في ابسط المواقف الإنسانيه
فوالدى كان يجلس بجواري اذا اصابنى دور برد عابر يقرأ لى القرآن و يمرضنى هو والدتى و يسأل عني
امّا اخوتى فما شاء الله عليهم عايزين اللى يسأل عنهم و بس هم دايماً التعبانين و الشقيانين عمرهم ما حسوا بينا ...و حتى لمّا بنحاول نبتدي احنا بالعطف و الحنان عليهم لعل و عسي لا نجد منهم سوي النهر و التوبيخ و القسوة
والدى كان يهتم كثيراًُ لأمرنا كله ..كان يسألنا ببساطه هل تناولنا وجبة الغذاء ام لا و عندما تكون الإجابه لأ ..يسألنا لماذا لم نتناولها ..و لكن اخوتى يطالبون امى المنهكه و ابى المريض و نحن اخوتهم البنات بتأمين مأكلهم و مشربهم ..و التفكير في ذلك و يأنبوننا كثيراً لو تأخرت احدانا في اعداد وجبة الطعام يوما ...
و كثيراً جداً من المواقف المؤلمه التى يؤلمنى ذكرها اكثر ما يؤلمنى كتمانها لأن اهلى من اصل طيب و ربونا على كتمان اسرار البيت بالذات المؤلمه منها و التى سيشوه خروج احدها صورة اى فرد من افراد اسرتنا الحبيبه
لذلك نفعل انا و اخواتى البنات كل شئ تقريباً في اسرتنا من الألف للياء ثم ننسب فضل هذا بعد الله لأخوتنا الشباب للحفاظ على الصورة المثاليه التى ربانا عليها والدى
و لكن مشكلتى انا و اخوتى البنات اننا لم نعد قادرين على تحمل هذا الشكل الكاذب الذي رسمناه لسنوات و في نفس الوقت نحن غير مؤهلين على خوض تفاصيل الحياة كاملة بلا رجل بعد ان تعودنا على هذا منذ الصغر ..في نفس الوقت دور والدى مستمر في الإنسحاب يوماً بعد يوم و عاماً بعد عام ..بسبب تدهور حالته الصحيه
و حتى يحدث الله امراً كان مفعولا و ترزق احدانا بالزوج الذي تتمناه لنفسها لا ندري ماذا نفعل و كيف سنعيش ...ان لنا زملاء رائعون في العمل انهم كأخوة حقيقيين و همّ في غاية الإحترام و التدين و يقومون بعرض خدماتهم لمساعدتنا في الأزمات العامه
..و لكن لأى مدى تستطيع فتاه ان تستعير اخ ليس شقيق او محرم لها
لقد اعتاد العرسان مثلاً في هذا الزمان ان يقابلوا العروسه مع احد صديقاتها او قريبتها خارج المنزل مرة في البدايه ليتأكدوا قبل دخول البيت هل هناك قبول ام لا ..و لكن نحن لم نعتد ان نقابل اياً من العرسان المتقدمين لنا اللا في حضور والدنا و والدتنا
فماذا عسانا ان نفعل بعد مرض والدى الشديد ...هل نستأجر اخ يقابل السيد العريس ...بعد ان فشلت جميع المقابلات التى حضرها اخوتى الشباب حيث احرجونا بشده و تصرفوا بمنتهى الإستهتار و عدم تحمّل المسؤليه
من لنا نأخذ رأيه في السيد العريس بعد ان اصبح والدى غير قادر على سماعنا و اعطاء الرأى كما عودنا ..هل نشكو خصوصياتنا تلك لرجال غير محارم لنا بعد ان اصم اخوتى آذانهم عن كلامنا و آرائنا
نرى الكثير من صديقاتنا البنات اللاتى لا يوجد لديهن رجال يحملن مسؤلياتهن ..نراهن يسعين في الحياة و يتحملن لعب الدورين لأنه لا سبيل لهن غير ذلك
و لكن نحن غير قادرات على فعل هذا بالكامل ...و خصوصاً ان لنا اخوة رجال من لحمنا و دمنا
فهل اخطأ والدى عندما ربانا بهذا الشكل الراقي الصحيح ..هل اخطأ عندما لم يقوم بوضع الزمن في حساباته ..هل اخطأ عندما جعلنا نصدق ان لكل نوع دورة و حدوده و اهميته في حياة مطالبة المرأه فيها بلعب كل الأدوار ..حتى لو كانت متزوجه او لها اخوة رجال لأنهم ببساطه سيلقون هم ايضاً بحملهم على عاتقها كما يفعل اغلبهم هذه الأيام ؟؟؟
انا لا استطيع ان اقول اننى ارسل هذه الرسالة لأستجدي اخوتى الشباب و اؤثر بهم لأنهم لم و لن يقرأوها ..فنحن بذاتنا لا نؤثر فيهم " مبنصعبش عليهم خالص " فهل اتوهم ان تؤثر بهم كلماتى ؟؟؟؟
بالطبع لا
و لكنى اكتبها ليراجع من خلالها كل اخ مسلم لى في الحياة دورة في حياة اسرته زوجته و بناته و اخواته البنات اللى من لحمه و دمه و يراعي ربنا فيهم ..ميسيبهمش للغريب يخدمهم ..و ميرميهومش لقسوة الحياة
كما اكتب لأجد بين نصائحكم و ردودكم حلاً او طريقه مثاليه و شرعيه ..نتبعها انا و اخوتى لنسير بسفينتنا في الدنيا وحدنا .. حتى نقابل رجالاً نجد فيهم صورة ابى و نستكمل معهم مشوار حياتنا التى كانت جميله
هذا المقال ينسب الى
مهندسة / منار ممدوح عقل
الأربعاء، 14 أبريل 2010
شرح كامل باللغه العربية لشهادة ال ICDL
السلام عليكم
ازيكم يا جماعة
شرح فيديوا عربى لدورة ال
ICDL
كاملة
شرح على النت من غير تحميل
شرح عربى للدورة مميز جداا
المستوى الاول
المستوى الثانى
المستوى الثالث
word
المستوى الرابع
powerpoint
المستوى الخامس
excel
المستوى السادس
access
المستوى السابع
الاثنين، 12 أبريل 2010
امتحانات البوربوينت2010 ICDL
السلام عليكم
ها يا جماعة اية الاخبار فى الورد تمام
نشوف البوربوينت
البوربوينت بيهتم بالتاثيرات الصوتية والبصرية
علشان كدة هتلاقى الامتحانات فيها كتير عن الصور
نشوف اسئلة البوربوينت
الاسئلة زاى اللى فاتت
Power Point 3
http://www.ziddu.com/download/9483471/PowerPoint2.pdf.html
Power Point 4
http://www.ziddu.com/download/9483678/PowerpointVideo.pps.html
لوحة شرف ال ICDL
لوحة الشرف للمتميزين فى دورة ال
ICDL
جامعة الفيوم
المتفوقون بالويندوس
- أسماء رجب مرسى خلف
- نجوى ابراهيم عبد التواب ابراهيم
نتمنى ان يضاف المزيد إلى لوحة الشرف
وسوف نتابع باقى اسماء المتميزين الى نهاية الدورة ان شاء الله
بالتوفيق للجميع
بالتوفيق للجميع
الأربعاء، 7 أبريل 2010
امتحانات الورد 2010 ICDL
السلام عليكم
اية الاخبار يا جماعة اتمنى ان الاسئلة بتاعة الويندوس
تكون عجبتكم وعايز الناس ان شاء الله ترفع رسنا فى الامتحان
ندخل على الورد
دى امتحانات الورد
اللينك الاول
اللينك الثانى
وهناك مجموعة من الملحوظات الهامة على هذا الامتحان
والملحوظات دى موجودة فى الملف دة
اتمنى ان الناس تذكر وان شاء الله بالتوفيق
Eng.Ahmed Shabaanامتحانات الويندوس ICDL
السلام عليكم ازيكم
يا جماعة دى اسئلة ال
ICDL
الجديدة اللى انا قلت عليها
دا امتحانات الويندوس
هى اسئلة كتير ودى الميزة
ودا كتاب
هيحتاج البرنامج اللى كان موجود على الاسطونة واللى عايز البرنامج
الجزاء الاول الويندوس
الأحد، 4 أبريل 2010
امتحانات فيديو icdl
امتحانات ICDL
مسجلة فيديو
شوف الامتحانات وشوف جو الامتحان علشان متكونش مستغرب من شكل الامتحان
مش محتاجة اى برنامج للتشغيل
ICDL امتحانات تدريب على امتحان
السلام عليكم الامتحانات دى امتحانات تدربك على الامتحان الفعلى
فيمكنك الامتحان وهتشوف الدرجة بعد ما تخلاص الامتحان
الامتحان لا يحتاج الى برنامح تشغيل الامتحانات فلاش
الامتحان الاول
الامتحان الثانى
الامتحان الثالث
السبت، 3 أبريل 2010
الاشتراك في:
الرسائل (Atom)